ՀՀ դեսպան Արման Կիրակոսյանը հանդիպումը Եվրոպական և միջազգային հարցերի դաշնային նախարարության Արարողակարգային ծառայության ղեկավարի տեղակալ Պետեր Էլսներ-Մաքեյի հետ:

20 հոկտեմբերի, 2011

20.10.2011թ.

ՀՀ դեսպան Արման Կիրակոսյանը հանդիպումը

Եվրոպական և միջազգային հարցերի դաշնային նախարարության Արարողակարգային ծառայության ղեկավարի տեղակալ

Պետեր Էլսներ-Մաքեյի հետ

Հոկտեմբերի 20-ին Ավստրիայում Հայաստանի Հանրապետության նորանշանակ դեսպան Արման Կիրակոսյանը հանդիպել էր Եվրոպական և միջազգային հարցերի դաշնային նախարարության Արարողակարգային ծառայության ղեկավարի տեղակալ Պետեր Էլսներ-Մաքեյի հետ, որից հետո իր հավատարմագրերի պատճեններն էր հանձնել նախարարության գլխավոր քարտուղար Յոհաննես Կիրլեին` համաձայն ավստրիական արարողակարգի:

Հավատարմագրերի հանձնմանը հաջորդաց զրույցի ընթացքում Յոհաննես Կիրլեն շնորհավորել էր պրն. Կիրակոսյանին Ավստրիայում Հայաստանի դեսպանի պաշտոնում նշանակման կապակցությամբ, հույս հայտնելով, որ դեսպանը իր պաշտոնավարման ընթացքում կնպաստի հայ-ավստրիական հարաբերությունների առավել զարգացմանն ու ընդլայնմանը:

Դեսպան Կիրակոսյանն իր հերթին ներկայացրեց Հայաստանի արտաքին քաղաքականության առաջնահերթություները, հարաբերությունները հարևան երկրների հետ, արցախյան հիմնախնդրի հանգուցալուծման վերջին զարգացումները` ընդգծելով, որ Հայաստանը մեծապես կարևորում է ավստրիական կողմի հավասարակշռված մոտեցումները Հարավային Կովկասի տարածաշրջանի վերաբերյալ:

Բացի այդ, դեսպանը նշեց, որ Հայաստան-ԵՄ հարաբերությունները Հայաստանի արտաքին քաղաքականության առաջնային ուղղություններից է, և այս համատեքստում կարևորել է Ավստրիայի, որպես ԵՄ անդամ երկրի հետ սերտ համագործակցությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր