«Սպեղանի» երգչաղմբի մասնակցությունը Վիեննայում կայացած Համաշխարհային խաղաղության փառատոնին:

03 օգոստոսի, 2012

«Սպեղանի» երգչաղմբի մասնակցությունը Վիեննայում կայացած Համաշխարհային խաղաղության փառատոնին:

Ս.թ. հուլիսի 30-ից օգոստոսի 2-ը Վիեննայում կայացած Համաշխարհային խաղաղության փառատոնին մասնակցել է Հայաստանի «Սպեղանի» երիտասարդական երգչախումբը: Մասնակցության հովանավորներն էին ՀՀ Մշակույթի նախարարությունը, Վիեննայում ՀՀ դեսպանությունը, Ավստրիայում Հայ բարեգործական ընդհանուր միության բաժանմունքը, ինչպես նաև Վիեննայի Հայ Առաքելական Եկեղեցական Վարչությունը և Ավստրայում «Արարատ» մարզական միությունը:

Փառատոնի ընթացքում Չինաստանի, Ռուսաստանի, Ռումինիայի, Ավստրիայի և Էստոնիայի երգչախմբերի հետ «Սպեղանին» հանդես եկավ Վիեննայի լավագույն համերգային բեմահարթակներում. Վիեննայի քաղաքապետարանում, Շյոնբրունում, Վիեննայի ՄԱԿ-ի կենտրոնակայանում և Եվրոպայում ամենահայտնի երաժշտական սրահներից մեկը համարվող` «Մյուզիկֆերայն»-ում:

Կատարելով Կոմիտասի շարականները, Վ. Շարաֆյանի և Ե. Երկանայանի գործերը, «Սպեղանին» աչքի ընկավ իր անհատականությամբ և փայլուն ելույթներով, արժանանալով փառատոնի հանձնաժողովի ամենաբարձր գնահատականի: Հայկական խմբին շնորհվեց հատուկ մրցանակ և դափնեգիր:

«Սպեղանին» առանձին համերգով հանդես եկավ նաև Հունգարիայի Դյոր քաղաքի թանգարանի սրահում, որը կազմակերպվել էր տեղի Հայ ինքնավարության և ՀՀ դեսպանության կողմից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր