ԱԷՄԳ-ում հավատարմագրված դեսպանների այցը ՌԴ Կալինինի ատոմակայան

05 փետրվարի, 2013

Փետրվարի 5-ից 6-ը ՌԴ ԱԳՆ և ՄիջուկայինԷներգիայիՊետականԲաժնետիրություն “Ռոսատոմ” ընկերության հրավերով ՌԴ Կալինինի ատոմակայան այցելեցին ԱԷՄԳ-ում հավատարմագրված մշտական ներկայացուցիչները: Պատվիրակության կազմում էին ՀՀ մշտական ներկայացուցիչ դեսպան Արման Կիրակոսյանը, ՌԴ, ԻԻՀ, Ճապոնիայի, Չինաստանի, Գերմանիայի, ԱՄԷ, Կորեայի, Եգիպտոսի, Չեխիայի, Ռումինիայի, Հորդանանի դեսպանները, ԱԷՄԳ Միջուկային Էներգիայի հարցերով Գլխավոր տնօրենի տեղակալը, միջուկային էներգետիկայի հարցերով խորհրդատուներ և մի շարք այլ երկրների փորձագետներ:

Այցի նպատակներ էր ատոմակայանի շահագործման ռուսական ժամանակակից տեխնոլոգիաների և սարքավորումների հետ ծանոթացումը և խաղաղ նպատակներ հետապնդող միջուկային էներգետիկայի օգտագործման բնագավառում համագործակցությունը:

Այցը դիտվում էր նաև որպես հունիսի 27-ից 29-ը Սանկտ Պետերբուրգում կայանալիք ԱԷՄԳ “Միջուկային Էներգիան 21-րդ դարում” խորագրով համաժողովի նախապատրաստական միջոցառում:

Այցը ներառում էր տեխնիկական շրջայց Կալինինի ատոմակայանի արտադրական հարթակ, այցելություն ուսումնավարժական ստորաբաժանումներ և հասարակական տեղեկատվական կենտրոն:

Այցի շրջանակներում տեղի ուենցած խորհրդակցության քննարկման առարկա էին` ատոմային բնագավառում միջազգային համագործակցությունը, ռուսական նախագծով ատոմակայնների շահագործման և սարքավորման փորձը, անվտանգության համակարգերը և ռուսական կայանների վերազինումը նոր սարքավորումներով, որոնք իրականացվել են հատուկ միջոցառումների շրջանակներում, որոնք մշակվել էին Ֆուկուշիմայի կայանում տեղի ունեցած պատահարից հետո:

“Ռոսէներգատոմ” կոնցեռնի Գլխավոր տնօրենի տեղակալ, Ատոմակայանների միջազգային շահագործողների ասոցացիայի նախագահ Վ. Ասմոլովի հետ հանդիպման ժամանակ, վերջինս դեսպաններին ներկայացրեց ՌԴ կայանների անվտանգության բարձր մակարդակի ապահովման ծրագրերը: Դեսպանները հանդիպեցին նաև “Ռոսատոմ” ընկերության Գլխավոր տնօրենի տեղակալ դեսպան Նիկոլայ Սպասկիի հետ:

Այցի շրջանակներում ՀՀ մշտական ներկայացուցիչ դեսպան Արման Կիրակոսյանը հանդիպում ունեցավ ՀՀ նախագահին կից միջուկային անվտանգության խորհրդի անդամ, պրոֆեսոր Վլադիմիր Ասմոլովի և Նիկոլայ Սպասկիի հետ: Քննարկվեցին միջուկային էներգետիկայի ոլորտում ՀՀ-ՌԴ միջև համագործակցության առդի հարցերը, ինչպես նաև Մեծամորի ատոմակայանի նոր էներգաբլոկի կառուցման և հին էներգաբլոկի ապահովության բարձրացման և կյանքի երկարացմանն առչնվող հարցեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր