Հիշատակի միջոցառում Վիեննայում` նվիրված Գուրգեն Մարգարյանի սպանության 10-ամյակին

23 փետրվարի, 2014

Հիշատակի միջոցառում Վիեննայում` նվիրված Գուրգեն Մարգարյանի սպանության 10-ամյակին

2014 թ. փետրվարի 23-ին, Վիեննայի Հայ առաքելական Սբ. Հռիփսիմե եկեղեցում տեղի ունեցավ Հիշատակի միջոցառում` նվիրված 2004թ. փետրվարի 19-ին Բուդապեշտում Հայաստանի զինված ուժերի սպա Գուրգեն Մարգարյանի սպանության 10-ամյակին: Վիեննայի Հայ առաքելական Սբ. Հռիփսիմե եկեղեցում մատուցվեց հոգեհանգստյան պաշտոն` ներկայությամբ Կենտրոնական Եվրոպայի և Սկանդինավիայի Հայրապետական պատվիրակ Հոգեշնորհ Տեր Տիրան աբեղա Պետրոսյանի և ձեռամբ հայր Անդրեաս Իսախանյանի:
Միջոցառմանը ներկա էին Ավստրիայում Հայաստանի Հանրապետության դեսպան Արման Կիրակոսյանը, դեսպանության ողջ անձնակազմը, ավստրահայ համայնքային կառույցների ներկայացուցիչներ: Սուրբ պատարագից և հոգեհանգստյան պաշտոնի մատուցումից հետո, դեսպանության և եկեղեցական համայնքի կողմից եկեղեցու բակում վեր խոյացող Հայոց Ցեղասպանության հուշարձանին ծաղկեպսակ դրվեց ի հիշատակ Գուրգեն Մարգարյանի եղերական մահվան:
Ներկաների առաջ ադրբեջանցի ելուզակի անմարդկային արարքը դատապարտող ելույթներով հանդես եկան Կենտրոնական Եվրոպայի և Սկանդինավիայի Հայրապետական պատվիրակ Հոգեշնորհ Տեր Տիրան աբեղա Պետրոսյանը և Ավստրիայում Հայաստանի Հանրապետության դեսպան Արման Կիրակոսյանը: Հնչեցվեց Հայաստանի Հանրապետության օրհներգը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր