Հայաստանի պատմությունն ու մշակույթը ներկայցվել է Վիեննայի ՄԱԿ գրասենյակում

16 հոկտեմբերի, 2025

Հոկտեմբերի 16-ին Վիեննայի Միավորված ազգերի կազմակերպության գրասենյակում Հայաստանի Մշտական ներկայացուչության դիվանագետների կանանց ջանքերով կայացավ միջոցառում, որը նվիրված էր Հայաստանին։ Միջոցառումն անցկացվեց ՄԱԿ-ի Կանանց ընկերակցության (UNWG) շրջանակներում։ Ներկայացվեցին Հայաստանի հարուստ պատմությունը, մշակույթը և սովորույթները։ Անդրադարձ կատարվեց Հայաստանի անկախության 34-ամյակին և այդ ընթացքում մեր Հանրապետության արձանագրած ձեռքբերումներին։

Միջոցառման մասնակիցների ուշադրությանը ներկայացվեց Հայաստանի մասին տեսաշար, որն ընդգրկում էր մեր երկրի տեսարժան վայրերը, բնությունը, ճարտարապետությունը, արվեստը, արհեստները, զբոսաշրջությունը։ Ապա հետևեցին երաժշտական կատարումներ՝ ներկաներին ծանոթացնելով հայկական երգարվեստին։ Միջոցառուման մասնակիցները հնարավորություն ունեցան նաև համտեսելու հայկական խոհանոցի ու ըմպելիքների նմուշներ։

ՄԱԿ-ի Կանանց ընկերակցությունն ընդգրկում է Վիեննայում հավատարմագրված դիվանագետներին և միջազգային կազմակերպությունների աշխատակիցներին, ինչպես նաև նրանց ընտանիքների անդամներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր