United Nations Women’s Guild

24 սեպտեմբերի, 2015

Ս.թ. սեպտեմբերի 24-ին Վիեննայում ՀՀ մշտական ներկայացուցչությունը` ՀՀ մշտական ներկայացուցչի տիկնոջ Սուսաննա Նազարյանի հովանու ներքո ՄԱԿ-ում Կանանց խորհրդի անդամների համար (United Nations Women’s Guild) կազմակերպել էր միջոցառում նվիրված ՀՀ Անկախության 24-րդ տարելիցին: Միջոցառմանը ներկա էին Կանանց խորհրդի անդամներ, ՄԱԿ-ի գործակալություններում աշխատող կանայք, կին դիվանագետներ և դիվանագետների կանայք: Ողջույնի խոսքով միջոցառումը բացեցին Կանանց խորհրդի նախագահ Քենիայի դեսպանի տիկին Դայանա Ույուգին և տիկին Սուսաննա Նազարյանը: Այնուհետ հյուրերին ներկայացվեց Հայաստանի բազմադարյա պատմությունը, հիշարժան վայրերի և մշակութային կոթողների նկարագիրը և ցուցադրվեց Հայաստանին նվիրված փաստավավերագրական ֆիլմ:
Միջոցառմանը երաժշտական համարներով հանդես եկան պատանի հայ երաժիշտներ, որոնք կատարեցին հայ մեծանուն կոմպոզիտորների գործեր:
Միջոցառման ավարտին կանայք համտեսեցին հայկական տաղավարով ներկայացված հայկական նախուտեստներ և քաղցրավենիքներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր