ՀՀ ֆինանսների նախարար Վարդան Արամյանի և Ավստրիայի թվայնացման ու գործարար կապերի հարցերով փոխնախարար Բերնարդետ Գիրլինգերի հանդիպման մասին

17 հունվարի, 2018

The Euromoney Central&Eastern European Forum-ի հրավերով Վիեննայում երկօրյա աշխատանքային այցով գտնվող ՀՀ ֆինանսների նախարար, Հայ-ավստրիական երկկողմ արտաքին առևտրատնտեսական հարաբերությունների միջկառավարական խառը հանձնաժողովի հայկական կողմի նախագահող Վարդան Արամյանը ս.թ. հունվարի 17-ին հանդիպում է ունեցել Ավստրիայի թվայնացման ու գործարար կապերի հարցերով փոխնախարար, հանձնաժողովի ավստրիական կողմի նախագահող Բերնարդետ Գիրլինգերի հետ: Հայկական կողմից հանդիպմանը մասնակցեց նաև ՀՀ դեսպան Արման Կիրակոսյանը:

Հանդիպման ընթացքում կողմերը մտքեր փոխանակեցին հայ-ավստրիական համագործակցության կառույցի առաջիկա՝ 8-րդ նիստի նախապատրաստման շուրջ: Քննարկվեցին նաև 2016թ. ապրիլին Վիեննայում տեղի ունեցած հանձնաժողովի 7-րդ նիստին ձեռք բերված պայմանավորվածությունները կատարելու ընթացքը, ոլորտային մակարդակով տեղեկատվությունը և փորձը փոխանակելու ու կողմերի հանձնառությունները լավագույնս ի կատար ածելու ուղիները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր