ՄԱԿ-ում Հայստանի մշտական ներկայացուցչության կողմից կազմակերպված միջոցառում ՄԱԿ-ի Կանանաց գիլդիայի անդամների համար

25 սեպտեմբերի, 2019

Սեպտեմբերի 25-ին Վիեննայում ՄԱԿ-ի գրասենյակի կենտրոնակայանում ՄԱԿ-ում ՀՀ Մշտական ներկայացուցչության հովանու ներքո և ՄԱԿ-ում ՀՀ մշտական ներկայացուցիչ Արմեն Պապիկյանի տիկնոջ՝ Էլեն Հարությունյանի կողմից կազմակերպվեց Հայաստանի անկախության տոնին նվիրված միջոցառում։

Միջոցառմանը ներկա էին ՄԱԿ-ի Կանանց գիլդիայի՝ ներառյալ դիվանագիտական ներկայացուցչությունների բազմաթիվ անդամներ, դեսպանների կանայք, ԱԷՄԳ-ում և Վիեննայում տեղակայված այլ միջազգային կազմակերպությունների հայազգի աշխատակիցներ, Ավստրիյայի հայ համայնքի ներկայաուցիչներ։

Միջոցառմանը Էլեն Հարությունյանը համառոտ ներկայացրեց Հայաստանի պատմությունը, որին հաջորդեց Հայաստանի մասին պատմող տեսահոլովակի ցուցադրումը։ Հայ կոմպոզիտորների ստեղծագործությունների կատարմամբ հանդես եկան Նազելի Խետրոսյանը (դաշնամուր) և Սյուզան Բարսեղյանը (ֆլեյտա)։

Միջոցառման մասնակիցները հնարավորություն ունեցան նաև համտեսել հայկական խոհանոցի ուտեստներ և հայկական արտադրության քաղցրավենիք և մուրաբաներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր