Դեսպան Արմեն Պապիկյանի հանդիպումը Ատոմային էներգիայի միջազգային գործակալության նորանշանակ Գլխավոր տնօրեն Ռաֆայել Գրոսսիի հետ

18 դեկտեմբերի, 2019

Դեկտեմբերի 18-ին տեղի ունեցավ Վիեննայի միջազգային կազմակերպություններում ՀՀ մշտական ներկայացուցիչ, դեսպան Արմեն Պապիկյանի հանդիպումը Ատոմային էներգիայի միջազգային գործակալության (ԱԷՄԳ) նորանշանակ Գլխավոր տնօրեն Ռաֆայել Գրոսսիի հետ:

Շնորհավորելով Ռաֆայել Գրոսսիին բարձր պաշտոնը ստանձնելու առթիվ՝ դեսպան Պապիկյանն ընդգծեց, որ Հայաստանը մեծ կարևորություն է տալիս ԱԷՄԳ հետ հարաբերությունների և համագործակցության զարգացմանը, և հույս հայտնեց, որ հաստատված արդյունավետ փոխգործակցությունը կշարունակի խորանալ և ընդլայնվել:

Զրույցի ընթացքում անդրադարձ կատարվեց Մեծամորի ատոմակայանի անվտանգության ու շահագործման երկարաձգման, ինչպես նաև ԱԷՄԳ հետ տեխնիկական համագործակցության շրջանակներում իրագործվող ծրագրերի հետ կապված հարցերին: ԱԷՄԳ Գլխավոր տնօրենը նշեց, որ մշտապես կարևորել է միջուկային անվտանգության բնագավառում համագործակցությունը Հայաստանի հետ և վստահեցրել, որ գործակալությունը կշարունակի համագործակցել և առավելագույն օժանդակություն ցուցաբերել միջուկային անվտանգությանն ապահովմանն ուղղված Հայաստանի կառավարության ջանքերին:

Զրուցակիցներն անդրադարձան նաև տարածաշրջանային անվտանգության մի շարք խնդիրներին:

Դեսպան Արմեն Պապիկյանը ԱԷՄԳ Գլխավոր տնօրեն Ռաֆայել Գրոսսիին փոխանցեց ՀՀ վարչապետ Նիկոլ Փաշինյանի և ԱԳ նախարար Զոհրաբ Մնացականյանի շնորհավորական նամակները՝ Հայաստան այցելելու հրավերով, ինչը գոհունակությամբ ընդունվեց:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր