«Ավրորայի լուսաբացը» ֆիլմի ցուցադրություն Վիեննայում

30 նոյեմբերի, 2023

Նոյեմբերի 30-ին Ավստրիայում ՀՀ դեսպանության նախաձեռնությամբ և Վիեննայի «Հոլոքոստի ուսումնասիրությունների Վիզենտալ ինստիտուտի», «Ավստրիայի Ֆիլմերի Արխիվի» համագործակցությամբ կազմակերպվեց Հայոց ցեղասպանությունից մազապուրծ եղած Ավրորա Մարդիգանյանի կյանքի ոդիսականը ներկայացնող «Ավրորայի լուսաբացը» ֆիլմի* ցուցադրությունը։

ՀՀ դեսպանության և Վիեննայի «Վիզենտալ» ինստիտուտի համագործակցությամբ արդեն երկրորդ տարին անընդմեջ կազմակերպվող միջոցառումը կրկին նվիրված էր Ցեղասպանությունների կանխարգելման միջազգային օրվան։ Այս տարի ֆիլմի ցուցադրությունն անցկացվեց Ավստրիայի եվրոպական և միջազգային գործերի դաշնային նախարարության բարձր հովանու ներքո։

Միջոցառման սկզբում հնչեցին Ավստրիայում ՀՀ դեսպան Արմեն Պապիկյանի, Վիեննայի «Վիզենտալ» ինստիտուտի տնօրեն Յոխեն Բյոհլերի և Ավստրիայի ԱԳՆ ներկայացուցիչ Մուրադ Մահիդիի ողջույնի խոսքերը։

Ցուցադրությանը հաջորդեց քննարկում ֆիլմի ռեժիսոր Իննա Սահակյանի մասնակցությամբ:

* «Ավրորայի լուսաբացը» Ֆիլմը ստեղծվել է Զորյան ինստիտուտի գիտական աջակցությամբ և Զորյան ինստիտուտի՝ Հայոց ցեղասպանության բանավոր պատմության արխիվի հիման վրա։ Արտադրող ընկերություն՝ Բարս Մեդիա, համարտադրողներ՝ Gebrueder Beetz Filmproduktion (Գերմանիա), Artbox Laisvalaikio Klubas (Լիտվա):

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր