Լեռնային Ղարաբաղի բանաստեղծների ստեղծագործությունների գերմաներեն ժողովածուի շնորհանդես

22 փետրվարի, 2024

Փետրվարի 22-ին Ավստրիայում Հայաստանի դեսպանության և Վիեննայի համալսարանի Ավստրո-հայկական ուսումնասիրությունների ընկերակցության հետ համագործակցությամբ Ավստրիայի գիտությունների ակադեմիայում տեղի ունեցավ Լեռնային Ղարաբաղի բանաստեղծների ստեղծագործությունների գերմաներեն ժողովածուի շնորհանդեսը։

Բացման խոսքով հանդես եկավ Ավստրիայում ՀՀ դեսպան Արմեն Պապիկյանը, ով իր խոսքում կարևորեց գերմանախոս հանրությանը Լեռնային Ղարաբաղի ժողովրդի կանգուն և հարատև ոգու վկայությունը հանդիսացող մշակութային հարուստ ժառանգությունը ներկայացնելը։

Միջոցառմանը ելույթով հանդես եկավ և բանաստեղծություններ ընթերցեց թարգմանությունների հեղինակը՝ բանաստեղծուհի Ագապի Մկրտչյանը։

***

Արցախի արդի պոեզիայի ժողովածուն`"Das Blau streichelt meiner Gedanken Flügel/Կապույտը շոյում է մտքիս թևերը/Armenische Lyrik aus Berg-Karabach/Arzach" (Glaré Verlag, Frankfurt am Main) ընդգրկում է Լեռնային Ղարաբաղի 16 կին և տղամարդ բանաստեղծների 2-ական ստեղծագործություն՝ հայերեն և գերմաներեն:

Բանաստեղծությունները թարգմանել և գիրքը հրատարակել է գերմանաբնակ բանաստեղծուհի, թարգմանչուհի Ագապի Մկրտչյանը։

Գրքի վերջաբանը գրել է բանասիրական գիտությունների դոկտոր Թեսա Հոֆմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր