Բրատիսլավայում ՀՀ Անկախության տոնին նվիրված համերգով հանդես եկավ Հայաստանի ազգային ֆիլհարմոնիկ նվագախումբը

22 սեպտեմբերի, 2024

Սեպտեմբերի 22-ին՝ Բրատիսլավայի երաժշտական 59-րդ փառատոնի շրջանակում ՀՀ Անկախության տոնին նվիրված համերգով հանդես եկավ Հայաստանի ազգային ֆիլհարմոնիկ նվագախումբը։

Սլովակիայի ֆիլհարմոնիկի լեփ-լեցուն դահլիճում ՀՀ դեսպանության պատվո հովանու ներքո տեղի ունեցած համերգին հաջորդեց ընդունելություն, որին ներկա էին Սլովակիայի գերատեսչությունների ներկայացուցիչներ, Բրատիսլավայում հավատարմագրված դեսպաններ։

Ողջույնի խոսքով հանդես եկավ Սլովակիայում ՀՀ արտակարգ և լիազոր դեսպան Արմեն Պապիկյանը, ով իր խոսքում անդրադառնալով ՀՀ անկախության տոնի խորհրդին՝ նշեց, որ 33 տարի առաջ հայ ժողովուրդը ի կատար ածեց ազատ ու ինքնիշխան ապրելու իր վաղեմի երազանքը: Դեսպանը խոնարհումի խոսք ուղղեց Հայաստանի անկախության համար նահատակված բոլոր հերոսների հիշատակին։ Դեսպանն իր խոսքում անդրադարձավ նաև Լեռնայինն Ղարաբաղի հայերին և ապօրինի պահվող հայ ռազմագերիներին՝ մաղթելով նրանց տոկունություն և շուտափույթ վերադարձ։

Կարևորելով Հայաստանի և Սլովակիայի միջև հաստատված փոխշահավետ համագործակցությունը՝ դեսպանը վստահություն հայտնեց, որ փոխադարձ հարգանքի, վստահության և ընդհանուր արժեքների վրա հիմնված հարաբերությունները կշարունակեն զարգանալ համատեղ ջանքերով՝ ի շահ երկու բարեկամ ժողովուրդների։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր