ՀՀ անկախության 33-րդ տարեդարձին նվիրված հանդիսավոր ընդունելություն Վիեննայում

28 հոկտեմբերի, 2024

Հոկտեմբերի 28-ին Վիեննայում տեղի ունեցավ Հայաստանի Հանրապետության անկախության 33-րդ տարեդարձին նվիրված հանդիսավոր ընդունելություն:

Ավստրիայում իր առաքելությունն ավարտող ՀՀ արտակարգ և լիազոր դեսպան Արմեն Պապիկյանն իր ելույթում անդրադարձավ ՀՀ անկախության տոնի խորհրդին՝ նշելով, որ 33 տարի առաջ հայ ժողովուրդն ի կատար ածեց ազատ ու ինքնիշխան ապրելու իր վաղեմի երազանքը:

Դեսպանը խոնարհումի խոսք ուղղեց Հայաստանի անկախության համար նահատակված բոլոր հերոսների հիշատակին։ Դեսպանն իր խոսքում անդրադարձավ Ադրբեջանում պահվող հայ ռազմագերիներին՝ մաղթելով նրանց շուտափույթ վերադարձ։

Կարևորելով Հայաստանի և Ավստրիայի միջև հաստատված բազմաոլորտ փոխշահավետ համագործակցությունը՝ դեսպան Պապիկյանը վստահություն հայտնեց, որ ընդհանուր արժեքների վրա հիմնված հարաբերությունները կշարունակեն զարգանալ համատեղ ջանքերով թե՛ երկկողմ և թե՛ ՀՀ-ԵՄ գործընկերության շրջանակում։

Միջոցառմանը ներկա էին Ավստրիայի արտաքին գործերի նախարարության, այլ գերատեսչությունների ներկայացուցիչներ, Վիեննայում հավատարմագրված բազմաթիվ դեսպաններ, ավստրիահայ համայնքի ներկայացուցիչներ, լրագրողներ, մշակույթի և գիտության ոլորտի գործիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր