ՀՀ դեսպանի հանդիպումը Ավստրիայի ՆԳ դաշնային նախարարության գլխավոր տնօրենի հետ

03 հուլիսի, 2025

Հուլիսի 3-ին դեսպան Անդրանիկ Հովհաննիսյանը հանդիպում է ունեցել Ավստրիայի ներքին գործերի դաշնային նախարարության միգրացիայի և միջազգային հարցերի գլխավոր տնօրեն Պետեր Վեբինգերի հետ։

Հանդիպման ընթացքում կողմերը, բարձր գնահատելով Հայաստանի և Ավստրիայի միջև միգրացիայի ոլորտում առկա համագործակցությունը, վերահաստատել են այն հետագայում խորացնելու հանձնառությունը։

Դեսպան Հովհաննիսյանը երախտագիտություն է հայտնել ավստրիական կողմին՝ միգրացիայի ոլորտում Հայաստանին մշտապես ցուցաբերվող աջակցության համար։

Կողմերը քննարկել են նաև Հայաստան-ԵՄ մուտքի արտոնագրերի ազատականացման երկխոսության մեկնարկի, ռեադմիսիոն հարցերի վերաբերյալ առկա գործընթացները, ինչպես նաև միգրացիայի ոլորտում երկկողմ համագործակցությունն առավել ամրապնդելու նոր հնարավորությունները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր