Լուրեր

06.02.2019 • ՀՀ մշտական ներկայացուցիչ, դեսպան Արմեն Պապիկյանն իր հավատարմագրերը հանձնեց ԱԷՄԳ Գլխավոր տնօրեն Յուկիա Ամանոյին

Փետրվարի 6-ին Ավստրիայի Հանրապետությունում Հայաստանի Հանրապետության դեսպան և Վիեննայի միջազգային կազմակերպություններում ՀՀ նորանշանակ մշտական ներկայացուցիչ Արմեն Պապիկյանն իր հավատարմագրերը հանձնեց Ատոմային էներգիայի միջազգային գործակալության (ԱԷՄԳ) Գլխավոր տնօրեն Յուկիա Ամանոյին:

05.02.2019 • Հայկական բանակի կազմավորման 27-ամյակին նվիրված ընդունելություն Ավստրիայում ՀՀ դեսպանությունում

Փետրվարի 5-ին Վիեննայում ՀՀ դեսպանությունում կազմակերպվեց Հայկական բանակի կազմավորման 27-ամյակին նվիրված ընդունելություն` ՀՀ դեսպան Արմեն Պապիկյանի և ԵԱՀԿ-ում Հայաստանի Հանրապետության մշտական ներկայացուցչության պաշտպանության հարցերով պետական խորհրդական Կարեն Մուրադյանի անունից։

29.01.2019 • Դեսպան Պապիկյանն իր հավատարմագրերը հանձնեց Վիեննայում ՄԱԿ-ի գրասենյակի Գլխավոր տնօրենին

Հունվարի 29-ին Վիեննայում ՄԱԿ-ի գրասենյակում և այլ միջազգային կազմակերպություններում Հայաստանի Հանրապետության նորանշանակ մշտական ներկայացուցիչ, դեսպան Արմեն Պապիկյանն իր հավատարմագրերը հանձնեց Վիեննայում ՄԱԿ-ի գրասենյակի Գլխավոր տնօրեն, ՄԱԿ-ի Թմրանյութերի և հանցավորության դեմ պայքարի գրասենյակի (UNODC) գործադիր տնօրեն Յուրի Ֆեդոտովին (Yury Fedotov):

04.01.2019 • Ավստրիայում ՀՀ դեսպանը հավատարմագրերի պատճենը հանձնեց Ավստրիայի արտաքին գերատեսչությունում

Հունվարի 4-ին Ավստրիայի Հանրապետությունում Հայաստանի Հանրապետության նորանշանակ արտակարգ և լիազոր դեսպան Արմեն Պապիկյանն իր հավատարմագրերի պատճենը հանձնեց Ավստրիայի Հանրապետության Եվրոպայի, ինտեգրման և արտաքին գործերի դաշնային նախարարության արարողակարգային ծառայության ղեկավար Էննո Դրոֆենիկին (Enno Drofenik):

10.12.2018 • ՄԱԿ-ի «Ցեղասպանության հանցագործությունը կանխելու և դրա համար պատժի մասին» կոնվենցիայի 70-ամյակին նվիրված միջոցառում չեխական Թերեզինում

Դեկտեմբերի 10-ին Չեխիայի Թերեզինշտադտի ցեղասպանությունների ուսումնասիրությունների կենտրոնում՝ Պրահայում ՀՀ դեսպանության աջակցությամբ տեղի ունեցավ ՄԱԿ-ի «Ցեղասպանության հանցագործությունը կանխարգելելու և պատժելու մասին» կոնվենցիայի 70-ամյակին նվիրված ձեռնարկ, որն անցկացվեց «Մարդու իրավունքների օրը և ցեղասպանություն հանցագործության կանխարգելում» խորագրի ներքո:

06.12.2018 • Զոհրաբ Մնացականյանի հանդիպումն Ավստրիայի արտաքին գործերի նախարար Կարին Կնայսլի հետ

Դեկտեմբերի 6-ին աշխատանքային այցով Միլանում գտնվող արտգործնախարարի պաշտոնակատար Զոհրաբ Մնացականյանը հանդիպեց ավստրիացի իր գործընկերոջ՝ Կարին Կնայսլի հետ։ Զրուցակիցները քննարկեցին երկկողմ հարաբերություններին առնչվող մի շարք հարցեր, ինչպես նաև մտքեր փոխանակեցին ԵԱՀԿ Նախարարական 25-րդ խորհրդի օրակարգի, Կազմակերպության գործունեության և դրա շրջանակներում համագործակցության շուրջ:

09.11.2018 • Հայ-ավստրիական քաղաքական խորհրդակցություններ ԱԳՆ-ում

Նոյեմբերի 8-ին ՀՀ ԱԳՆ-ում տեղի ունեցան հայ-ավստրիական քաղաքական խորհրդակցություններ։ Հայկական կողմը գլխավորում էր ՀՀ ԱԳ նախարարի տեղակալ Կարեն Նազարյանը, իսկ ավստրիականը՝ Ավստրիայի Հանրապետության Եվրոպայի, ինտեգրման և արտաքին գործերի դաշնային նախարարության միջազգային հարաբերությունների հարցերով գլխավոր տնօրեն Ալեքսանդր Մարշիկը։ Հանդիպմանը կողմերը հանգամանորեն քննարկեցին երկկողմ հարաբերություների հետագա խորացման ուղղությամբ տարվող աշխատանքները՝ կարևորելով նաև համագործակցության խթանումը բազմակողմ ձևաչափերում։ Անդրադարձ...

19.10.2018 • Երևան քաղաքի 2800-ամյա հոբելյանին նվիրված համերգ Վիեննայում

Հոկտեմբերի 19-ին, Երևան քաղաքի 2800-ամյա հոբելյանի առթիվ Ավստրիայում ՀՀ դեսպանության կողմից Վիեննայում կազմակերպվել էր «Karen Asatryan&Armenian Spirit» ջազային համույթի համերգը: Համերգին ներկա էին Ավստրիայի խորհրդարանի պատգամավորներ, արտաքին գործերի նախարարության բարձրաստիճան պաշտոնյաներ, դիվանագիտական առաքելությունների ղեկավարներ, Ավստրիայի հայկական համայնքի ներկայացուցիչներ:

26.09.2018 • Viennacontemporary ժամանակակից արվեստի ցուցահանդեսում «Կիզակետում Հայաստանն է» (Focus:Armenia) պավիլիոնի բացումը

Ցուցահանդեսի կազմակերպիչներն այս տարվա գլխավոր հյուր էին հռչակել Հայաստանը, որը և ներկայացվեց որպես կիզակետում գտնվող երկիր՝ Focus:Armenia խորագրով: Այդ կապակցությամբ Հայաստանի արվեստի հիմնադրամին տրամադրվել էր մի ամբողջ պավիլիոն, ուր ցուցադրվեցին հայ ժամանակակից արվեստը ներկայացնող Հայաստանից և սփյուռքից ժամանած արվեստագետների մի շարք գործեր՝ լուսանկարներ, ինստալիացիաներ:

24.09.2018 • ԱԷՄԳ-ում ՀՀ մշտական ներկայացուցիչ Արման Կիրակոսյանն ընտրվեց Ատոմային էներգիայի միջազգային գործակալության Կառավարիչների խորհրդի նախագահի տեղակալ

Սեպտեմբերի 24-ին Վիեննայում կայացավ Ատոմային էներգիայի միջազգային գործակալության (ԱԷՄԳ) Կառավարիչների խորհրդի հերթական նիստը, որի ընթացքում ամփոփվեցին սեպտեմբերի 17-21-ը կայացած ԱԷՄԳ Գլխավոր կոնֆերանսի 62-րդ նստաշրջանի, այդ թվում' Կառավարիչների խորհրդի նոր անդամների և ղեկավար կազմի ընտրությունների արդյունքները:

ՀՀ ԱԳՆ
պաշտոնական կայք
Երկքաղաքացիություն Էլեկտրոնային
վիզա
Արտոնագրի
ձևեր