Վիեննայում ՀՀ դեսպանությունում կայացել է Վահան Տերյանի կողմից Արթուր Շնիցլերի գրքի թարգմանության վերահրատարակության անդրանիկ շնորհանդեսը

12 մայիսի, 2025

Մայիսի 12-ին Ավստրիայում ՀՀ դեսպանությունում կայացել է ավստրիացի հեղինակ Արթուր Շնիցլերի «Տիկին Բերտա Գարլանը» գրքի անդրանիկ շնորհանդեսը՝ նվիրված վիպակի թարգմանիչ, հայ անվանի բանաստեղծ Վահան Տերյանի 140-ամյակին: 1912թ. Վահան Տերյանը «Տիկին Բերտա Գարլանը» վիպակը թարգմանել է հայերեն, որը 2025թ. վերահրատարակվել է երկու լեզվով՝ հայերեն և գերմաներեն:

Միջոցառմանը բացման խոսքով հանդես է եկել ՀՀ դեսպան Անդրանիկ Հովհաննիսյանը: Ելույթներով հանդես են եկել ՀՀ ԱԺ պատգամավոր, «Ջավախք» հայրենակցական-բարեգործական հասարակական կազմակերպության նախագահ, գրքի հրատարակության նախաձեռնող և հովանավոր Շիրակ Թորոսյանը, «Հայաստան» հրատարակչության տնօրեն, գրքի խմբագիր և հրատարակիչ Վահագն Սարգսյանը, Ավստրիայի Հայ Առաքելական եկեղեցական համայնքի հոգևոր հովիվ Արժանապատիվ Տեր Անդրեաս քահանա Իսախանյանը:

Միջոցառման ընթացքում կայացել է Վահան Տերյանի բանաստեղծությունների ընթերցում, կատարվել են մեծ բանաստեղծի ստեղծագործությունների հիման վրա գրված երգեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր