ՀՀ դեսպանի հանդիպումը Ավստրիայի Շտիրիա դաշնային երկրամասի կառավարչի հետ

21 հոկտեմբերի, 2026

Հոկտեմբերի 21-ին ՀՀ դեսպան Անդրանիկ Հովհաննիսյանը Գրաց քաղաքում հանդիպում է ունեցել Ավստրիայի Շտիրիա դաշնային երկրամասի նահանգապետ Մարիո Կունասեկի հետ:

Հանդիպման ընթացքում զրուցակիցները մտքեր են փոխանակել Հայաստանի և Ավստրիայի միջև ձևավորված ամուր հարաբերությունների շուրջ և ընդգծել են ապակենտրոնացված համագործակցության դերը երկկողմ կապերի ընդլայման գործում։ Նրանք անդրադարձ են կատարել փոխադարձ հետաքրքրություն ներկայացնող մի շարք ոլորտներում համագործակցության հաստատման, կամ խորացման հնարավորություններին, այդ թվում` բարձր տեխնոլոգիաների, բնապահպանության, շրջանաձև տնտեսության, կրթության, գիտության և այլ ուղղություններով:

Քննարկվել են Շտիրիայում և Հայաստանում գործող խոշոր ընկերությունների միջև կապերի հաստատման և գործարար շփումներին աջակցության հեռանկարները: Այս առումով ՀՀ դեսպանը ներկայացրել է Հայաստանում ներդրումային միջավայրը և առկա կարողությունները` ընդգծելով փորձի փոխանակման կարևորությունը: Նա նաև անդրադարձել է Հայաստանից Ավստրիա ապրանքատեսակների արտահանման հնարավորություններին՝ հաշվի առնելով հայկական ապրանքների նկատմամբ առևտրային ինքնավար միջոցների կիրառման մասին ԵՄ կարգավորումը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր